Pranuan 400 € ryshfet, arrestohen dy zyrtarë të KEDS-it në Ferizaj

Policia e Kosovës ka arrestuar dy të dyshuar zyrtarë të KEDS-it ditën e djeshme në Ferizaj.

Sipas raportit 24-orësh, të njëjtit kanë pranuar 400 euro në formë ryshfeti nga një viktimë mashkull kosovar, me premtimin se do të zëvendësonin njehsorin elektrik brenda një kohe të shkurtër.

“Me vendim të prokurorit, të dyshuarit pas intervistimit janë dërguar në mbajtje”, thuhet në raportin e Policisë. /Klankosova.tv