Pozitë e opozitë përplasen për Fondin Sovran, Beqa e quan VV-në shembull të dështimit

Deputetët e opozitës dhe pozitës janë përplasur në Komisionin për Mbikëqyrjen e Financave Publike. Shkak i debatit ndërmjet deputetëve të PDK-së dhe VV-së u bë vonesa në funksionalizimin e Fondit Sovran. Deputeti i PDK-së, Hajdar Beqa, kritikoi partinë në pushtet se nuk është duke e mbyllur AKP-në, por me procedurat e reja është duke e lehtësuar që të tjerët të përfitojnë. Ai tha se VV-ja është shembull i dështimit. “Mirlindë të përgëzoj, si pozitë me rregulloret e keni ndërruar krejt qëllimin edhe Fondit Sovran edhe të AKP-së, jeni duke lehtësuar procedura për përfitues të rijnë. Po jeni shembull i dështimit. Nuk është faji i jonë që ju nuk po dini, as nuk po doni. Ju i ketë gati”, tha ai. Deputetja e VV-së, Mirlinda Tishukaj-Sadiku, tha se Fondi Sovran është në përgatitje e sipër, sipas saj, ky Fond do të ndikojë në rimëkëmbjen e ndërmarrjeve publike. “Fondi Sovran është në përfundim e sipër e sipër, në strategji është edhe mbyllja e AKP-së, po besoj që nuk i ke lexuar të gjitha shkresat, andaj nuk qëndron ajo që thoni ju. Këto janë të gjitha të dokumentuara. Fondi Sovran do të ndikojë direkt në zhvillimin e ndërmarrjeve publike dhe në ringjallejn e tyre që ju i keni vendosur në dy gjunjët. Fondi ka marr kohë sepse është projekt gjigant. Ju e keni tregu mundësin e juaj sa keni qenë”, tha ajo. Deputeti i PDK-së, Rashit Qalaj, tha se deputetja Sadiku nuk është e duhura që të mbrojë VV-në, pasi sipas tij, është e re në këtë parti. “Po të jesh në parti dhe të akuzosh që e keni prish sistemin nuk shkon, po të ishte në VV gjithmonë do të ishte diçka”, tha ai. Deputetja Sadiku, tha se është e vërtet që ka qenë pjesë e një parti tjetër po që është larguar nga ajo parti për shkak të parimeve të saj, raporton EO. “Po është e vërtet kam qenë asambliste deri në momentin e demarkacionit, kur jam larguar nga AAK-ja, largimin e kam bërë për shkak të parimeve të mia. Babai im ka qenë themelues i partisë në qytete. Nuk kam bërë kalkulime politike, por për parime”, tha ajo. Komisioni ka diskutuar edhe në lidhje me Raportin për bashkimin e qytetit të Ferizajt, ku deputetët u pajtuan që në lidhje më këtë projekt të ftohen udhëheqësit e kësaj komune që të diskutojnë më këtë projekt./EO Klikoni KËTU për t’u bërë pjesë e kanalit zyrtar të Klan Kosovës në Viber. Klikoni KËTU për ta shkarkuar aplikacionin e Klan Kosovës në Android, dhe KËTU për iOS.