Postoi video me armë zjarri në Snapchat, Policia ia konfiskon armën

Një grua nga Gjakova është arrestuar pas postimit të një video-incizimi në rrjetin social Snapchat, ku shfaqej duke mbajtur armë zjarri. Sipas raportit të Policisë, është konfiskuar një pistoletë nga e dyshuara, së bashku me dy karikatorë të zbrazët, transmeton Klankosova.tv. “E dyshuara femër kosovare ka postuar një video-incizim në rrjetin social Snapchat me armë zjarri. Nga e dyshuara është konfiskuar arma-pistoletë  me dy karikatorë të zbrazët", tha policia. Ndërkaq, pas intervistimit, me urdhër të prokurorit, e dyshuara është liruar në procedurë të rregullt. Rasti është hapur si “Mbajtje në pronësi kontroll ose posedim të paautorizuar të armëve”. /Klankosova.tv