Gjatë ditës së sotme, media “Nacionale” publikoi një pamje ku shihej portreti i ish-Presidentit Hashim Thaçi, në një depo të mbushur me mbeturina.
U tha se ky ambient i përket Ministrisë së Jashtme dhe të Diasporës (MPJD).
Për këtë veprim ka reaguar fotografi i ish-presidentit Thaçi, Astrit Ibrahimi, duke thënë se fotografinë e ka bërë vetë ai në vitin 2016, dhe se është foto zyrtare, raporton Klankosova.tv.
Ibrahimi tha se “hedhja e tij në mbeturina në një depo të MPJ-së tregon sa pak e respektojmë të kaluarën, por edhe vetë protokollin e shtetit”.
“Nuk e di nëse dikush duhet të japë llogari për këtë veprim të ulët apo nëse edhe kjo do të kalojë pa shumë zë”, u shpreh ai.
●●●
Shpërndaje këtë artikull
A
SHKRIMI NGA
A
Editorial nga Klan Kosova — ndjek lajme dhe zhvillimet e tjera kryesore të vendit.
