Portieri i gafave largohet nga United për një skuadër evropiane me pagë më të lartë

Andre Onana do t’i bashkohet Trabzonsporit në formë huazimi nga Manchester United deri në fund të sezonit. Marrëveshja përfshin një rritje page për Onanën, e cila do të mundësohet nga Trabzonspor, por nuk ka tarifë huazimi dhe as opsion blerjeje për klubin turk. E ardhmja e tij te United ishte vënë në dyshim pas transferimit të Senne Lammens nga Antwerp javën e kaluar. Onana, i cili ka pasur vështirësi për të treguar vazhdimësi dhe humbi gjithë fazën përgatitore për shkak dëmtimi, pritet të lëshojë vendin për Lammens që të bëhet portieri i parë i United. Altay Bayindir dhe Tom Heaton do të jenë opsionet rezervë./Klankosova.tv