Lajmet e fundit
“Jemi mësuar ta dëgjojmë se jemi popullsia më e re, por në fakt ka ndryshim viteve të fundit që nuk qëndron më ajo që dikur veç ishte. Tregues tjetër shumë i saktë është edhe mosha mesatare, kur e krahasojmë me vitet më të hershme, Kosova e kishte 22-23 veç, tashmë është 33-34 vjeç”, u shpreh Gashi në Klan Kosova.Nga ana tjetër, demografi Arjan Gjonçe, në Klan Kosova tha se emigracioni është ndër faktorët kryesorë të ndryshimit të popullsisë.
“Popullsia është dinamike dhe ndryshon, mund të ketë edhe kthime. Nëse ekonomia e Kosovës është e mirë, Kosova vazhdon të jetë një vend stabil, kjo mund të ndikojë që trendi i emigracionit të jetë pozitiv. Është e vërtetë që Kosova po plaket, por ajo që është më e vërtetë, dhe e rëndësishme për ne, është se po plaket shpejt”, u shpreh Gjonçe.Në “Ora Shtatë”, sociologu Genc Xërxa, përmendi edhe një faktor tjetër që ndikon në plakjen e popullsisë së Kosovës. Sipas tij, numri i lindjeve ka rënë, çka sipas Xërxës, ndikon shumë në dinamikën e popullsisë së vendit. Ndërsa gazetari, Vullnet Krasniqi deklaroi se zyrtarët e ASK-së në terren, siç thotë ai, janë të shqetësuar me trendin e shpejtë të plakjes së popullsisë. /Klankosova.tv
