Politikani i njohur grek promovon librin e tij në Tiranë

Në Tiranë ndodhet për vizitë sot politikani i njohur grek, Theodhoros Pangallos, i cili ka marrë pjesë në promovimin e librit të tij në gjuhën shqipe "Me Papandreun në Evropë”. Në këtë ceremoni ishte i pranishëm edhe presidenti Ilir Meta. “Promovim i veçantë i librit të Theodhoros Pangallos në shqip “Me Papandreun në Evropë” ngjarje historike, kujtime me peshë për Greqinë dhe Evropën e Bashkuar! Urime!”, shkruan Presidenti Meta në një postim në rrjetin sociale Twitter. Theodhoros Pangallos është një nga politikanët grek që ka përkrahur integrimin e Shqipërisë në BE, si dhe ka dhënë kontribut për rritjen e bashkëpunimit mes dy vendeve.