Shërbimet e Policisë Kufitare shqiptare të Pikës Kufitare Qafë Prush, gjatë ditës së sotme kanë kryer kontrolle në automjetin kamionçinë me drejtues shtetasin B.Gj.
Gjatë kontrollit në këtë automjet, shërbimet e Policisë gjetën mallra ushqimore pa dokumentacion, të cilat po tentonte t’i nxirrte nga Shqipëria, nëpërmjet kufirit të gjelbër, raporton Klankosova.tv.
“Në përfundim të veprimeve procedurale për rastin, Seksioni për Hetimin e Krimeve në DVKM Kukës arrestoi në flagrancë shtetasin B.Gj., 46 vjeç, banues në Kosovë, për veprën penale ‘Kontrabanda me mallra të tjera’”, u tha në njoftimin e Policisë së Shtetit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme. /Klankosova.tv
●●●
ASHKRIMI NGA
A
Editorial nga Klan Kosova — ndjek lajme dhe zhvillimet e tjera kryesore të vendit.