Policia: Në Sopijë të Suharekës, një kamion kapi telat e rrymës të cilët morën flakë - për zjarr nuk është raportuar

Organizata Vullnetare e Zjarrfikësve dhe Shpëtimit, pasditen e së shtunës, njoftoi se në Sopijë të Suharekës një trafo u përfshi nga flakët, me ç'rast u dogjën edhe disa fusha përreth. Por, zëdhënësi i policisë për rajonin e Prizrenit, Shaqir Bytyqi për Klankosova.tv, teksa e konfirmoi rastin, u shpreh flakë kanë marrë telat e rrymës të cilët i ka kapur në kamion. Mirëpo, ai thotë se nuk u raportua për ndonjë zjarr. “Në fshatin Sopijë, sot me datë 13.07.2024, rreth orës 16:00 është raportuar se është rrëzuar një shtyllë, pasi që një kamion i ka kapur telat, kështu që telat kanë marrë flakë, por nuk është raportuar për ndonjë zjarr”, tha Bytyqi. https://klankosova.tv/perfshihet-nga-zjarri-nje-trafo-elektrike-ne-sopije-te-suharekes-perhapet-edhe-ne-zonen-perreth/