Policia në Pejë për dy muaj konfiskon 49 vetura për mospagesë të doganës

Drejtoria Rajonale e Policisë në Pejë gjatë muajve tetor dhe nëntor kanë konfiskuar 49 vetura, pronarët e të cilëve iu kanë shmangur "Pagesat e detyrueshme doganore ose tarifave të akcizave". "Drejtoria Rajonale e Policisë në Pejë, në bashkëpunim të ngushtë me Prokurorinë e Shtetit dhe me Doganën e Kosovës, automjetet e konfiskuara janë dërguar në terminalet doganore të cilat janë detyruar të bëjnë pagesën për zhdoganimin e këtyre automjeteve. Ndaj pronarëve të automjeteve janë iniciuar procedura ligjore dhe të njëjtat janë dërguar në Prokurorinë e Shtetit për procedura të mëtutjeshme ligjore."- njofton Policia e Kosovës përcjellë Klan Kosova. Policia bën të ditur se nuk do të ketë tolerime ndaj këtyre shkelësve. Ata apelojnë që të mos dalin me mjetet e tyre motorike, pa i kryer obligimet.