Policia në Gjilan konfiskoi mbi 33 kilogramë ari dhe arrestoi gjashtë persona

Gjatë ditës së djeshme në rajonin e Gjilanit, Policia dhe Dogana kanë zhvilluar një aksion në shtatë argjendari. Me këtë rast janë arrestuar gjashtë persona. Gjatë këtij operacioni, janë konfiskuar përkohësisht 33 kilogramë e 310 gramë ari. Po ashtu janë konfiskuar edhe para në vlerë prej 14 mijë e 650 eurosh dhe 9 mijë e 720 franga zvicerane në vlerë prej (9 mijë e 917 euro e 85 centë), njofton raporti 24 orësh transmeton Klankosova.tv Pas intervistimit me vendim të prokurorit kujdestar, të dyshuarit janë dërguar në mbajtje/ Klankosova.tv