Të premten, gjatë zbatimit të një urdhërese të Gjykatës Themelore në Ferizaj, Policia kreu kontrolle në disa lokale.
Gjatë kontrollit në një lokal në rrugën “Fan Noli” në Ferizaj, është kontrolluar i dyshuari S. S, 42 vjeç, në automjetin e të cilit është gjetur një armë zjarri dhe 10 fishekë. Pistoleta ishte me leje pronësie, por pa leje për mbajtje, transmeton Klankosova.tv.
Po ashtu, sipas policisë, te i dyshuari E. J, 36 vjeç janë gjetur një kafkë pistolete, një spirale pistolete dhe 7 fishekë.
Lidhur me rastin, është njoftuar prokurori i shtetit, i cili ka urdhëruar inicimin e rastit “Mbajtja në pronësi, kontroll ose posedim të paautorizuar të armëve”.
Të dyshuarit janë intervistuar dhe më pas liruar në procedurë të rregullt, ndërsa armët dhe municionet e gjetura janë sekuestruar.
●●●
AHSHKRIMI NGA
Albina Haxholli
Editorial nga Klan Kosova — ndjek lajme dhe zhvillimet e tjera kryesore të vendit.
