Lajmet e fundit
Policia e Brukseli ka thënë se do të zbatojë një urdhër për mbylljen e Konferencës Kombëtare të Konservatorizmit.
Organizatorët thonë se ngjarja në kryeqytetin belg po vazhdon, por të ftuarit nuk lejohen më të hyjnë.
Autoritetet lokale ngritën shqetësime për sigurinë e publikut, duke thënë se konferenca nuk duhet të vazhdojë.
Konferenca synon të bashkojë politikanët e krahut të djathtë në të gjithë Evropën, duke përfshirë Nigel Farage dhe kryeministrin hungarez Viktor Orban.
Ish-sekretarja e Brendshme e Mbretërisë së Bashkuar, Suella Braverman, dhe politikani francez i ekstremit të djathtë, Eric Zemmour, u renditën gjithashtu si folës kryesorë.
Konferenca Kombëtare e Konservatorizmit është një lëvizje globale që përkrah ato që i përshkruan si vlera tradicionale, të cilat pretendon se po "minohen dhe përmbysen". Ajo gjithashtu kundërshton integrimin e mëtejshëm evropian.
Konferenca tha se synonte të bashkonte "figura publike, gazetarë, studiues dhe studentë" të cilët kuptonin lidhjen midis konservatorizmit dhe idesë së kombësisë dhe traditave kombëtare, shkruan BBC, transmeton Klankosova.tv.
