Policia me aksion në veri: Dyshohet për posedim të armëve

Policia e Kosovës, gjegjësisht Drejtoria për Hetimin e Krimit të Organizuar po e zhvillon një aksion në veri. Kjo u konfirmua për Klankosova.tv nga zëvendësdrejtori për Veriun, Veton Elshani. "Po, kemi hyrë në tri lokacione, dy në Mitrovicën e Veriut dhe një në Zveçan. Kemi dyshime për posedim të armëve. Për momentin të arrestuar s'ka. Detaje tjera do të japin nga Krimi i Organizuar", deklaroi ai. "Ne kemi qenë në asistim të njësive nga Prishtina", theksoi Elshani.