Policia konfiskon pajisje në veri për prodhimin e kriptovalutave

Sot rreth orës 11:00, Policia e Kosovës ka konfiskuar pajisje për prodhimin e kriptovalutave në veri të Kosovës. Aksioni policor është kryer konkretisht në rrugën “Qeta e Minatorëve”, njofton Klan Kosova. Lajmin për klankosova.tv e ka konfirmuar zëdhënësi i Policisë për veri, Veton Elshani. “Më datën 09.05.2023, rreth orës 11:00, njësia e hetimeve kundër narkotikeve DRP-Veri e mbështetur nga njësitë e DRP-Veri pas një pune hetimore - operative ka arritur ta lokalizojë një shtëpi banimi në rrugën ‘Qeta e Minatorëve’ ky i dyshuari kishte pasur pajisje për prodhimin e kriptovalutave.” “Nga njësitë e Doganës së Kosovës është bërë konfiskimi i pajisjeve në fjalë si në vijim: Antiminer T9 - 16 copë, Antiminer S9 - 13 copë, Kartela Grafike 4Gb - 32 copë, Kartela Grafike 8 GB 33 copë, Power Suplyer - 10 copë. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.

klankosova.tv