Policia kërkon ndihmë në identifikimin e një të dyshuare për vjedhje

Policia e Kosovës po kërkon ndihmë në identifikimin e një gruaje në Prishtinë, e cila dyshohet se është e përfshirë në një vjedhje. Kështu ka bërë të ditur organi i rendit përmes një postimi ne Facebook, përcjell Klankosova.tv. “Njësiti i hetimeve të stacionit Jugu në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personit që shihet në fotografi. E dyshuara kërkohet për përfshirje veprën “Vjedhje”. Të nderuar, për çdo informatë që mund të çojë në identifikimin e personit apo vendndodhjes së saj kontaktoni policinë në numrin e telefonit: 192”, thuhet në postim.