Policia jep detaje për ndalimin e shtetasit rus në kufi

Policia e Kosovës ka ndalur sot një shtetas rus në kufi, me ç'rast i janë gjetur një shumë e konsiderueshme parash të padeklaruara. Sipas policisë, gjatë kontrollit, së bashku me doganën, në brendësinë e automjetit, në bagazh, në një çantë personale, është gjetur një sasi e mjeteve monetare të padeklaruara në vlerë totale prej 10 mijë dollarësh dhe dy mijë euro, njofton Klan Kosova. Më poshtë mund ta lexoni njoftimin e plotë të policisë: Me datën 27.09.2022, në hyrje të Republikës së Kosovës, ka ardhur automjeti BMW, ngjyrë hiri, me targa bullgare, të cilin e drejtonte shtetasi rus me iniciale E. S., viti i lindjes 1996, i lindur në Rusi. Automjeti i lartcekur nga autoritetet kompetente kufitare të Republikës së Kosovës është selektuar në vijën e dytë të kontrollit dhe gjatë kontrollit, së bashku me doganën, në brendësinë e automjetit, në bagazhin e automjetit, në një çantë personale, janë gjetur sasi e mjeteve monetare të padeklaruara në vlere totale prej: dhjetë mijë (10000) dollarë USA (100 x 100 dollarë) dhe dy mijë (2000) euro (40 X 50 euro). Janë njoftuar hetimet rajonale kufitare policore-Perëndimi dhe prokurori i shtetit dhe iniciohet rasti për “mosdeklarim të mjeteve monetare”. Rasti i dorëzohet Doganës së Kosovës për procedurë të mëtutjeshme ligjore.

klankosova.tv