Policia identifikon të 40 viktimat e zjarrit vdekjeprurës në Zvicër

Trupat e 40 viktimave të një zjarri që përfshiu një bar në resortin zviceran të skive Crans-Montana në natën e Vitit të Ri janë identifikuar nga policia. Viktimat janë të moshës nga 14 deri në 39 vjeç, me 15 persona nën 18 vjeç. Më të rinjtë ishin një vajzë zvicerane dhe një djalë francez, të dy 14 vjeç, shkruan BBC, transmeton Klankosova.tv. Grupi përfshin persona me kombësi zvicerane, italiane, rumune, turke, portugeze, franceze dhe belge, si dhe një shtetas të Mbretërisë së Bashkuar, Francës dhe Izraelit. Përveç 40 të vrarëve, 119 të tjerë u plagosën. Shumica kanë djegie të rënda - gjashtë prej tyre aq të rënda saqë ende nuk janë identifikuar. Një hetim penal ndaj çiftit francez që menaxhonte barin Le Constellation është duke u zhvilluar.