Policia gjen tek një person në Malishevë pushkë gjuetie, armë automatike, uniformë ushtarake dhe maskë

Policia ka gjetur tek një person në Malishevë pushkë gjuetie, armë automatike, uniformë ushtarake dhe maskë. Në njoftim bëhet e ditur se i dyshuari është arrestuar dhe është dërguar në mbajtje, përcjell Klankosova.tv. "Policia ka zbatuar një urdhëresë të gjykatës për kontrollimin e shtëpisë dhe objekteve përcjellëse të dyshuarit K/Shqiptar ku janë gjetur dhe sekuestruar: një pushkë gjuetie me 10 fishekë, një armë automatike e modifikuar me 17 fishekë, uniformë ushtarake, maskë etj. I dyshuari është arrestuar dhe pas intervistimit me vendim të prokurorit është dërguar në mbajtje", thuhet tutje në njoftim.