Lajmet e fundit
Policia e Kosovës ka gjetur armë, municion dhe eskploziv në një shtëpi të braktisur në Zubin Potok.
Kjo u bë e ditur në njoftim të Policisë ku u tha se nuk ka të arrestuar për rastin, ndërsa ai po hetohet.
“Më datë 24.01.2026, Policia e Kosovës, gjatë kryerjes së detyrave të rregullta policore në rajonin e Veriut, ka pranuar informacione se në një shtëpi të braktisur në fshatin Jagnjenicë, komuna e Zubin Potokut, dyshohej se mund të gjendeshin armë, municion si dhe eksploziv.
"Menjëherë pas pranimit të informacionit, njësitë relevante policore kanë dalë në lokacionin e dyshuar, ku gjatë kontrollit kanë gjetur dhe sekuestruar:1 (një) pushkë e tipit M48244 (dyqind e dyzet e katër) fishekë të kalibrave të ndryshëm2 (dy) karikatorë të zbrazët si dhe një sasi eksplozivi”, transmeton Klankosova.tv.
Bëhet e ditur se në vendin e ngjarjes kanë dalë edhe Njësia për Trajtimin e Eksplozivit(EOD) te cilet kanë tërhequr eksplozivin në mënyrë të sigurt, ndërsa hetimet janë duke vazhduar për të përcaktuar llojin e saktë të eksplozivit.
Policia njofton se të gjitha veprimet policore janë ndërmarrë në koordinim të plotë me Prokurorin e Shtetit, i cili ka udhëzuar inicimin e rastit “Mbajtje në pronësi, kontroll ose posedim të paautorizuar të armëve”.
https://klankosova.tv/policia-gjen-dhe-sekuestron-arme-municion-e-granata-dore-ne-nje-shtepi-te-braktisur-ne-zveca1n/
