Lajmet e fundit
Nata e nata e ndërrimit të motmoteve ishte kryesisht e qetë dhe pa incidente madhore.
Kështu njofton policia nëpërmjet një komunikate.
Sipas tyre nuk është raportuar asnjë incident me fatalitet, duke përfshirë aksidentet rrugore.
Por, si zakonisht gjatë festës së Vitit të Ri, nuk shpëtojnë rastet pa u lënduar si pasojë e armëve të zjarrit e mjetet piroteknike.
“Sipas raportimeve të pranuara nga të gjitha Drejtoritë Rajonale Policore (DRP), nata e Vitit të Ri ka kaluar kryesisht e qetë, megjithëse në disa rajone janë raportuar disa incidente me lëndime trupore dhe dëme materiale si pasojë e përdorimit të pakujdesshëm të mjeteve piroteknike dhe armëve të zjarrit. Nuk është raportuar asnjë rast apo incident me fatalitet, përfshirë këtu edhe aksidentet rrugore”, thuhet në komunikimin zyrtar të policisë.
Gjatë periudhës së festave, Policia e Kosovës ka hartuar dhe implementuar urdhrin operativ për shtimin e masave të sigurisë dhe prezencës policore në lokacione apo ambiente ku pritej të ketë përqendrim apo prezencë më të madhe të qytetarëve gjatë festimeve.
Gjithashtu në fokus të këtij urdhri operativ ka qenë mbikëqyrja dhe kontrolli në trafikun rrugor, menaxhimi i pikave kufitare përfshirë aeroportin ndërkombëtar “Adem Jashari”.
Policia e Kosovës thotë se është e përkushtuar për ruajtjen e rendit dhe sigurisë publike dhe ofrimin e shërbimeve të tjera për qytetarët, në pajtim me mandatin e saj ligjor dhe kushtetues.
