Policia e konfirmon gjetjen e 17-vjeçarit nga Gjilani, thotë se është mirë në gjendje shëndetësore

Policia e Kosovës ka njoftuar se është gjetur djali që u raportua i zhdukur në Gjilan.

Ata thanë se Xhengiz Hyzeiri është në gjendje të mirë shëndetësore dhe ndodhet në ambientet e Policisë.

“Ju njoftojmë se pas veprimeve operative dhe angazhimit të njësive relevante të Policisë së Kosovës, si dhe falë bashkëpunimit me qytetarëve dhe mediave, personi i shpallur më herët si i humbur Xhengiz (Aliriza) Hyzeiri, i lindur më 15.07.2008, me banim në rrugën ‘Lufta e Gjilanit’ në Gjilan, është gjetur në gjendje të mirë shëndetësore”.

“I njëjti aktualisht ndodhet në ambientet e Policisë së Kosovës, ku janë duke u zhvilluar procedurat e nevojshme ligjore në përputhje me legjislacionin në fuqi”.

Drejtoria Rajonale e Policisë në Gjilan i ka falënderuar mediat dhe qytetarët për bashkëpunimin.

https://klankosova.tv/gjendet-17-vjecari-gjilanas-i-zhdukur-nga-2-janari12/