Policia deklarohet për arrestimin e Ilir Metës: Na u imponua përdorimi i forcës

Sot me urdhër të SPAK-ut është arrestuar ish-presidenti i Shqipërisë Ilir Meta. Meta u prangos nga agjentët policorë teksa po udhëtonte me veturën e tij. E lidhur me rastin janë deklaruar Policia e Shtetit. Me anë të një njoftimi, organet e rendit bënë të ditur se atyre iu imponua përdorimi i forcës. "Bazuar në procedurën e parashikuar nga Rregullorja, ai është nxjerrë nga automjeti dhe shoqëruar forcërisht. Policia e Shtetit nënvizon se përdorimi i forcës për shoqërimin e subjektit u imponua nga kundërshtimi me forcë prej tij, për zbatimin e vendimit të gjykatës që iu komunikua nga punonjësit e Policisë", thuhet në njoftim. Ish-kreu i shtetit shqiptar, akuzohet për tri vepra penale të korrupsionit dhe mosdeklarim të pasurisë.