Policia çeke e kthen Ferrarin e sekuestruar nga kriminelët në makinë patrullimi

Policia në Republikën Çeke e ka kthyer një Ferrari që arrin shpejtësinë deri në 326 km/h, të cilën e kapi nga kriminelët, në një makinë patrullimi. “Ferrari 458 Italia” do të përdoret për goditjen e garave të paligjshme rrugore dhe ndjekjen e makinave të vjedhura ndër të tjera. Kostoja prej 12 mijë eurosh e konvertimit të tij për përdorim policor ishte pothuajse e njëjtë me blerjen e një Shkode, shtuan ata. Nga 0 në 100 km/h mund të arrijë për 3.4 sekonda, raporton BBC, transmeton Klankosova.tv. Me vija fluoreshente të verdha dhe blu, automjeti do të përdoret nga departamenti special i mbikëqyrjes dhe do të drejtohet nga oficerë të trajnuar enkas. Jiri Zly, kreu i departamentit të trafikut të policisë, tha se Ferrari, ndër të tjera, do të përdoret kundër "shoferëve më agresivë" në rrugët çeke. Policia çeke ka qindra automjete të konfiskuara që vijnë nga kriminelët dhe përdoren për të luftuar veprimtarinë e rëndë kriminale në të gjithë vendin, tha policia.