Policia bastis pronat e Sean “Diddy” Combs

Pronat e lidhura me reperin Sean “Diddy” Combs janë bastisur të hënën. Departamenti i Sigurisë Kombëtare tha se kishte ndjekur "veprimet e zbatimit të ligjit si pjesë e një hetimi në vazhdim" në Neë York, Los Angeles dhe Miami. Dy prona janë kontrolluar në Los Angeles dhe Miami si pjesë e hetimit. Zyrtarët nuk specifikuan arsyet e bastisjeve apo nëse ato ishin të lidhura me reperin Combs. Përfaqësuesit e artistit nuk iu përgjigjën kërkesave të BBC-së për ndonjë koment, transmeton Klankosova.tv. Disa padi të fundit kanë akuzuar reperin për sjellje të pahijshme seksuale. Avokatët e tij kanë mohuar më parë të gjitha akuzat e bëra kundër tij në procese gjyqësore. Të hënën, agjentët e Hetimeve të Sigurisë Kombëtare po kryenin operacionet e tyre në rezidencën prej 17 mijë metrash katrorë, ku Combs njoftoi publikimin e albumit të tij të fundit shtatorin e kaluar. Adresa e shtëpisë është e lidhur me kompaninë e prodhimit Bad Boy Films të Mr Combs. E vendosur në lagjen e pasur të Los Angeles të Holmby Hills, zona është shtëpia e shumë të famshëmve dhe rezidenca e Playboy.