Paul Pogba pranoi se kishte refuzuar Real Madridin për të realizuar transferimin e tij prej 89 milionë paundësh te Manchester United në vitin 2016. Francezi zgjodhi të rikthehej në “Old Trafford” atë verë, në vend që të largohej nga Juventusi për në “Bernabeu”.
Ai tha për podcastin Beyond the Pitch:
“Për të qenë i sinqertë, Real Madridi erdhi tek unë dhe po mendoja të shkoja atje, por po mendoja edhe për Manchester Unitedin. Zemra më tha të kthehesha te United, nuk e di pse, nuk e dija çfarë do të ndodhte. Por e bëra dhe nuk pendohem. Kurrë nuk pendohem për zgjedhjet e mia.”
Pogba aktualisht është pjesë e Monacos pas rikthimit në fushë nga suspendimit dy vjeçar që kishte marrë për shkak të dopingut.
●●●
ASHKRIMI NGA
albert
Editorial nga Klan Kosova — ndjek sport dhe zhvillimet e tjera kryesore të vendit.
