Pogba dhe Martial vendimtarë për fitoren e Unitedit (VIDEO)

Manchester United ka arritur ta mposht Evertonin në xhiron e 10-të të Premier Leagues angeleze, njofton Klan Kosova. Ndeshja filloi me një minutë heshtje në nderim të tragjedisë që i ndodhi ekipit të Leicester Cityt. Ndërsa djemtë e  Jose Mourinhos kaluan në epërsi pas 27 minutave, kur u akordua penallti për ta pas ndërhyrjes së parregullt ndaj Anthony Martial. Përgjegjësinë për të goditur e mori Paul Pogba, goditjen e të cilit e priti portieri Pickford ndërsa topi iu kthye prapë francezit i cili shënoi me lehtësi për 1 me 0. Në pjesën e dytë skuadra e Djajve të Kuq shënoi edhe njëherë me dyshen franceze që ishte shumë e disponuar për lojë. Autori i golit të parë Pogba ishte pikërisht ai që tani në rolin e asistuesit dhuroi një pasim për Martialin i cili nga brenda zonës se Evertonit goditi me mjeshtëri topin të cilin portieri kundërshtar e pati të pamundur ta ndalte. Mirëpo skuadra e Marco Silvas arriti që deri në fund ta ngushtojë epërsinë pasi Gylfi Sigurdsson, u ndal në mënyrë të parregullt nga Smalling dhe u akordua penallti në favor të tyre. I saktë nga 11-metra u tregua islandezi Sigurdsson që shënoi për 2 me 1 në minutën e 77-të të ndeshjes. Pas kësaj fitore United me 17 pikë renditet në vendin e tetë, kurse Evertoni një pozitë më poshtë me 15 pikë të mbledhura.

klankosova.tv