Po kërkonte punë si bari, gjendet i vdekur 58-vjeçari në Korçë

Edmont Çeka, një 58-vjeçar nga Rrësheni është gjetur pa shenja jete në rrugën e Kapshticës, në Korçë. Policia në vendngjarje ka bërë një këqyrje paraprake të trupit dhe nuk janë konstatuar shenja dhune. Nga hetimet dyshohet se ai ka humbur jetën si pasojë e të ftohtit ekstrem ose nga një arrest kardiak, raporton euronews.al, transmeton Klankosova.tv. Ndërkaq, mësohet se i ndjeri kishte shkuar në Korçë për të kërkuar punë si bari. Sipas Euronews.al, 58-vjeçari kishte katër ditë që lëvizte në qytetin e Bilishtit dhe fshatrat përreth në kërkim të një pune qoftë dhe bari.