Po e vizitoni Romën? Vdekja e Papa Françeskut imponon mbyllje e kufizime të shumta

Udhëtarët në Romë duhet të presin mbyllje, kufizime të vizitave dhe turma në disa nga atraksionet kryesore të qytetit. Turistët që kanë rezervuar për të vizituar Romën në javët e ardhshme do ta përjetojnë qytetin gjatë një momenti të rrallë historik. Pas vdekjes së Papa Françeskut më 21 prill, një sërë ritualesh dhe procedurash fetare janë duke u miratuar që mund të ndikojnë në planet e udhëtimit. Turistëve u rekomandohet të presin deri pas funeralit për të vizituar bazilikën pasi disa zona të bazilikës nuk janë të aksesueshme, përfshirë kupolën. Udhëtimet me guidë drejt bazilikës janë pezulluar pasi qasja bëhet përmes Kapelës Sistine. Ndërkaq, çmimet e hoteleve në Romë gjithashtu ka të ngjarë të rriten me rritjen e kërkesës, thotë Tim Hentschel, bashkëthemeluesi dhe CEO i kompanisë së udhëtimit HotelPlanner. Poashtu disa dyqane dhe restorante mund të mbyllen në shenjë respekti.  /Klankosova.tv