Plot 30 vjet studim: Pesë gjëra që ju zgjasin jetën 10 vjet

Dieta e shëndetshme, ushtrimet fizike të rregullta (rreth 30 minuta në ditë), mbajtja e peshës në normë, të mos abuzosh me alkoolin dhe të mos pini cigare, këto janë pesë gjërat që ua shtojnë jetën me të paktën 10 vjet.

Ky është konkluzioni i arritur pas një studimi të kryer së fundmi nga ekspertë të Universitetit të Harvardit në bashkëpunim me Shkollën Publike të Shëndetit në Boston. Studimi u publikua nga revista shkencore “Circulation”.

Nga hulumtimi u arrit në konkluzion se personat që respektojnë këto pesë zakone në jetë, kanë 82 % më pak shanse të vdesin nga sëmundjet kardiovaskulare dhe 65 % më pak shanse për të vdekur nga kanceri.

Në studim morën pjesë 78.865 gra të monitoruara për 34 vjet si dhe 44.354 meshkuj të monitoruar për 27 vjet, shkruan noa.al. Sipas përllogaritjeve të kryera rezulton se femrat që respektonin pesë zakonet e përmendura më sipër jetonin plot 14 vjet më shumë, ndërkohë  meshkujt 12 vjet më shumë.