Playoffi në Artmotion dhe Klan Kosova: Peja dhe Ylli me fitore sot kalojnë në finale, Ponte dhe Rahoveci synojnë ta barazojnë serinë!

Tri ndeshjet e para nuk mjaftuan dhe tani duhet të zhvillohet të paktën edhe një tjetër. Superliga e Basketbollit kosovar vjen edhe këtë të diel me duelet e katërta gjysmëfinale që përballin rivalët e Yllit dhe Rahovecit si dhe Pejës dhe Ponte Prizrenit. Të dy këto ndeshje që mund të jenë edhe vendimtare do të transmetohen direkt në platformën Artmotion. 17:00                                     PEJA – PONTE PRIZRENI                                            ART SPORT 1 Peja pret në “Karagaq” rivalët e Ponte Prizrenit në një ndeshje që po të fitohet do ta dërgojë skuadrën pejane në finalen e madhe të këtij edicioni duke eleminuar kështu prizrenasit. Kjo përballje luhet të dielen me fillim nga ora 17:00 dhe transmetohet drejtpërdrejt në Art Sport 1. Kujtojmë që duelin e parë të kësaj serie e kishte fituar Peja, pastaj Ponte kishte barazuar rezultatin e ndeshjeve në 1-1 falë një tresheje të Divine Myles teksa ndeshja e tretë ishte krejt tjetër histori me “Shqiponjat” që fituan me lehtësi me rezultatin e thellë 108:85 për ta ngritur në 2-1 epërsinë e tyre. Tani Ponte Prizreni ka nevojë për një fitore që ta dërgojë serinë në duelin e pestë që do të luhej edhe në shtëpinë e tyre, pasi në të kundërtën me një triumf të kundërshtarëve gjithçka do të merrte fund dhe Peja do të ishte finalist. Peja, 5-shja e mundshme startuese: Walton, Berisha, Grapci, Shoshi, Walters Ponte, 5-shja e mundshme startuese: Myles, Hajdari, Vaughn, Martin, Zenelaj 20:15                                     YLLI – RAHOVECI                                                           ART SPORT 1 Edhe në këtë duel situata është e njejtë, Ylli ka nevojë edhe për një fitore për të kaluar në finale pasi që udhëheq 2-1 në seri, teksa me një triumf eventual të Rahovecit gjithçka do barazohej për të kaluar në finalen e pestë dhe vendimtare që do të luhej hipotetikisht në “Mizahir Isma”. Kjo prëballje luhet të dielen me fillim nga ora 20:15 dhe transmetohet drejtpërdrejt në Art Sport 1. Ndeshja e parë ishte fituar nga Rahoveci me rezultatin e ngushtë prej 69:66 teksa më pas therandasit triumfuan fillimisht në udhëtim me rezultatin 70:62 teksa së fundmi edhe në shtëpi me 77:68 që mjaftoi për ta bërë rezultatin e gjysmëfinaleve të jetë 2-1 në favor të tyre. Tani, Rahoveci duhet me çdo kusht ta kërkoj fitoren, pasi në të kundërt përshëndeten nga ky sezon duarbosh teksa Ylli do të ketë dy mundësi për të arritur finalet, fillimisht në palestrën e saj e pastaj edhe në Rahovec nëse gjithçka barazohet. Ylli, 5-shja e mundshme startuese: Clark, Kastrati, Gill, Morina, Morant Rahoveci, 5-shja e mundshme startuese: Morina, Davis, Qallaku, Veseli, Daniel