Lajmet e fundit
16:48 - Vitin e kaluar ishte planifikuar atentat ndaj tij, Haliti: Kisha paralajmërime
Ish-deputeti i Partisë Demokratike të Kosovës Xhavit Haliti, është në mesin e tre personave ndaj të cilëve planifikohej atentat ndaj tij, sipas raportimit të mediumit shqiptar A2 përcjell Klankosova.tv.
Në dokumentin e siguruar nga Klankosova.tv, Njësia Kundër Terrorizmit e Policisë së Kosovës tregonte se ndaj kryeministrit të Kosovës Albin Kurti, ish-deputetit të Kuvendit Xhavit Haliti dhe Ismet Haxhës, në vitin 2021 ishte planifikuar vrasja.
Haliti tha për Klankosova.tv se ka pasur paralajmërime nga policia.
Ai me këto situata ishte ballafaquar nga viti 1985.
“Unë kam pas paralajmërime, më kanë lajmëruar edhe policia. U kanë një kohë kur më kanë ruajt, unë i kam këto të përhershme që nga viti 85, i kam kështu të rregullta”- tha Haliti.
Anëtari i PDK-së shtoi se në vitin 2021 edhe pse ka pasur informacione, s'ka pasur mbrojtje.
"Më kanë treguar që është diçka, por s'kam pasur mbrojtje. Ndoshta në distancë e se kam ditë"-shtoi ai.
Ish-nënkryetari i Kuvendit theksoi se tre vjet më parë është ruajtur nga policia për gjashtë muaj.
"Rreth tre vjet më parë më kanë ruajt. Gjashtë muaj kam pas mbrojtje të afërt të policisë, kudo që kam lëviz, shtëpi, rrugë " - theksoi ish-nënkryetari i Kuvendit.
Xhavit Haliti tha se nuk i di arsyet e mundshme për planifikimin e antentatit ndaj tij.
"Nuk e di, ata e dinë"- tha ai.
16:22 - Mustafa: S'ishte vetëm Kurti, edhe ndaj meje ka pasur veprime për atentat
Ish-kryetari i Lidhjes Demokratike të Kosovës Isa Mustafa, ka thënë se jo vetëm ndaj kryeministrit Albin Kurti, u planifikua atentat.
Mustafa tha për Klankosova.tv se ndaj tij pati veprime për antentat.
Ai tha se disa herë ishte sulmuar nga militantët e Vetëvendosjes.
Madje ish-kryeministri i Kosovës i përmendi disa raste kur ai ishte sulmuar me bomba molotovi dhe me gurë.
"Tani e lexova deklaratën e avokatit Besnik Berisha, i cili ishte këshilltar i imi sa isha kryeministër. Është e saktë ajo që ka deklaruar z. Berisha"- tha Mustafa.
"Jashtë këtij rasti ka pasur edhe veprime për atentat siç është gjuajtja e shtëpisë time me bomba molotov nga VV, tentimi të gjuhet makina ime zyrtare nga militantët e VV-së me iriq të hekurt, gjuajtja me gurë e makinës time, por duke e qëlluar makinën e përcjelljes policore në një natë në kthim nga Suhareka. Të gjitha këto i dinë organet e drejtësisë"- tha Mustafa.
Avokati i tij Besnik Berisha, tha se ish-kryeministri e kishte pasur situatën e njëjtë pa dhënë detaje shtesë se për cilin rast bëhet fjalë.
"Kurti nuk është i vetmi kryeministër i Kosovës për të cilin dyshohet se ishte planifikuar atentat ( nëse veç ka qenë e vërtete kjo). Situatë e njëjtë ka qenë edhe me ish-Kryeministrin Mustafa. Detajet i dinë organet e sigurisë me të cilat unë si këshilltar i tij kam bashkëpunuar ngushtësisht në hetimin e këtij rasti"-tha Berisha.
16:03 - U përmend në planin e atentatit ndaj Albin Kurtit, flet Ismet Haxha
Ismet Haxha, është një nga personat që u përmend në dokumentin e Njësisë Kundër Terrorizmit të Policisë së Kosovës.
Sipas këtij dokumentit të siguruar nga Klankosova.tv cak i atentatit do të ishte edhe Haxha.
Ai e konfirmoi këtë për Klankosova.tv
“Po, kam pas informacione nga Policia e Shqipërisë se është porositur një atentat ndaj meje. Se di se ku i kanë marrë informatat. Policia e Kosovës i ka marrë masat e nevojshme dhe e ka shtuar sigurinë ndaj meje” -tha Haxha.
15:43 - Çka përmban dokumenti i planit për atentatin ndaj Albin Kurtit? (Dokument)
Një plan për vrasjen e kryeministrit të Kosovës Albin Kurti, ka ekzistuar në vitin 2021.
Kështu po thotë një dokument i siguruar nga Klankosova.tv i Njësisë Kundër Terrorizmit të Policisë së Kosovës.
E bashkë me të planifikohej antentat edhe ndaj Ismet Haxhës, ish-anëtar i Shërbimit Informativ të Kosovës dhe i afërm i Kadri Veselit, si dhe Xhavit Haliti, ish-deputet dhe anëtar i Partisë Demokratike të Kosovës.
Sipas dokumentit i dyshuar është Prek Kodra, shtetas shqiptar.
Në dokumentin e Njësisë Kundër Terrorizmit theksohet se ai ka aftësi të mira në përdorimin e snajperëve.
Kodra dyshohet se është përfshirë në disa vrasje në Kosovë dhe Mal të Zi. Ndërkohë, Kodra dyshohet se jeton në Shkodër, ndërsa vepron në Tropojë, Ferizaj dhe Deçan të Kosovës.
Sipas Policisë Shqiptare, ky person është me precedent penal dhe është hetuar për vrasje me paramendim dhe mbajtje pa leje të armëve të gjahut.
Ai u shpall në kërkim në vitin 2016, ndërsa pas kontrolleve në banesë iu gjetën dy armë gjahu dhe 90 fishekë. Në shtator të vitit të kaluar u pezullua urdhri i kërkimit, ndërsa konsiderohet si person me rrezikshmëri të lartë.
Sipas informacioneve të Njësisë Kundër Terrorizmit, objektivi i parë do të ishte Ismet Haxha.
Objektivi i dytë ishte Xhavit Haliti, i cili do të vritej një muaj pas Haxhës për t’u dukur si hakmarrje.
Më pas, do të vritej edhe kryeministri Albin Kurti. Sipas informacioneve, qëllimi i këtyre atentateve është destabilizimi i Kosovës.
Po ashtu, në dokument theksohet se të tre atentatet do të kryheshin në katër muajt e ardhshëm.
Mediat në Shqipëri gjatë ditës kanë raportuar për një plan për atentat ndaj kryeministrit të Kosovës Albin Kurti, gjatë vitit 2021.
Lidhur me këtë është deklaruar Zyra e Kryeministrit.
Në një përgjigje për Klankosova.tv kjo zyrë bën me dije se Kurti ishte në dijeni për këtë plan.
Ai ishte i njoftuar për këtë nga Agjencia Kosovare për Inteligjencë.
"Përgjigje në pyetjet tuaja rreth raportimit në media për një plan për atentat ndaj Kryeministrit Kurti në vitin 2021: Kryeministri i Republikës së Kosovës, Albin Kurti ka qenë i njoftuar për këtë rast nga Agjencia e Kosovës për Inteligjencë. Institucionet e sigurisë i kanë ndërmarrë të gjitha masat për parandalimin e këtij veprimi. Rasti nuk është bërë publik për të mos përhapur panik" - thuhet në përgjigjen e Zyrës së Kryeministrit për Klankosova.tv
Sipas mediumit A2 i dyshuar për planifikimin e vrasjes së kreut të Qeverisë së Kosovës është Prek Kodra.
Ky informacion ka rrjedhur pas hakimit të dosjes të tani ish-drejtorit të policisë Gledis Nano.
15:43 - Çka përmban dokumenti i planit për atentatin ndaj Albin Kurtit? (Dokument)
Një plan për vrasjen e kryeministrit të Kosovës Albin Kurti, ka ekzistuar në vitin 2021.
Kështu po thotë një dokument i siguruar nga Klankosova.tv i Njësisë Kundër Terrorizmit të Policisë së Kosovës.
E bashkë me të planifikohej antentat edhe ndaj Ismet Haxhës, ish-anëtar i Shërbimit Informativ të Kosovës dhe i afërm i Kadri Veselit, si dhe Xhavit Haliti, ish-deputet dhe anëtar i Partisë Demokratike të Kosovës.
Sipas dokumentit i dyshuar është Prek Kodra, shtetas shqiptar.
Në dokumentin e Njësisë Kundër Terrorizmit theksohet se ai ka aftësi të mira në përdorimin e snajperëve.
Kodra dyshohet se është përfshirë në disa vrasje në Kosovë dhe Mal të Zi. Ndërkohë, Kodra dyshohet se jeton në Shkodër, ndërsa vepron në Tropojë, Ferizaj dhe Deçan të Kosovës.
Sipas Policisë Shqiptare, ky person është me precedent penal dhe është hetuar për vrasje me paramendim dhe mbajtje pa leje të armëve të gjahut.
Ai u shpall në kërkim në vitin 2016, ndërsa pas kontrolleve në banesë iu gjetën dy armë gjahu dhe 90 fishekë. Në shtator të vitit të kaluar u pezullua urdhri i kërkimit, ndërsa konsiderohet si person me rrezikshmëri të lartë.
Sipas informacioneve të Njësisë Kundër Terrorizmit, objektivi i parë do të ishte Ismet Haxha.
Objektivi i dytë ishte Xhavit Haliti, i cili do të vritej një muaj pas Haxhës për t’u dukur si hakmarrje.
Më pas, do të vritej edhe kryeministri Albin Kurti. Sipas informacioneve, qëllimi i këtyre atentateve është destabilizimi i Kosovës.
Po ashtu, në dokument theksohet se të tre atentatet do të kryheshin në katër muajt e ardhshëm.
