Plagosja në Tiranë, shoqërohen në polici dy të dyshuar

Një person na mbetur i plagosur si pasojë e të shtënave me armë zjarri sot në Tiranë. Policia ka bërë të ditur se ka identifikuar tre të dyshuarit në lidhje me këtë rast dhe dy prej tyre janë shoqëruar në polici, përcjell Klankosova.tv. Në njoftimin e policisë gjithashtu thuhet se në cilësinë e provës materiale janë sekuestruar një armë gjahu dhe një pistoletë. “Shërbimet e Sektorit për Hetimin e Krimeve të Rënda në DVP Tiranë, pas marrjes së njoftimit se, ditën e sotme ishte paraqitur në spital për ndihmë mjekësore një shtetas, dyshohet i plagosur me armë zjarri, menjëherë kanë organizuar punën për dokumentimin e plotë ligjor të ngjarjes dhe identifikimin e autorëve të dyshuar”. “Nga veprimet e shpejta hetimore u bë identifikimi i autorëve të dyshuar, shtetasve G. N., E. N., dhe M. N., të cilët pas një konflikti për motive të dobëta, ditën e sotme, në afërsi të vendit të quajtur "Rrethrrotullimi i 3-shit", dyshohet se kanë qëlluar me armë zjarri shtetasin E. N., i cili ndodhet në spital, në kujdesin e mjekëve, jashtë rrezikut për jetën”. “Shtetasit G. N., dhe E. N., janë shoqëruar në Polici për veprime të mëtejshme dhe vijon puna për kapjen e shtetasit M. N”, thuhet në njoftimin e policisë.