Lajmet e fundit
Sherri për lopën në Gjorm të Kurbinit për pak sa nuk shkaktoi një tragjedi.
Ngjarja ndodhi rreth orës 20:15, kur 41-vjeçari Met Lika mori armën e zjarrit dhe plagosi Rasim Tafën, 43 vjeç.
Shkak i sherrit është bërë lopa që kishte hyrë për kullotë në tokën e autorit. I plagosuri është dërguar në spital, për ndihmë mjekësore.
Falë reagimit në kohë, veprimeve të shpejta dhe profesionale policore, është kapur dhe shoqëruar në ambientet e Komisariatit të Policisë Kurbin, për veprime të mëtejshme procedurale, autori i dyshuar i plagosjes, Met Lika.
Grupi hetimor, nën drejtimin e Prokurorisë së Rrethit Gjyqësor Kurbin, ndodhet në vendin e ngjarjes dhe vijon veprimet hetimore për zbardhjen e plotë të rrethanave të ngjarjes dhe dokumentinin ligjor të saj./oranews/
