Plagoset me armë zjarri një person në Brekoc të Gjakovës, i dyshuari arrestohet

Një person është plagosur me armë zjarri nga një tjetër sot në fshatin Brekoc të Gjakovës. Për Klankosova.tv , këtë e bëri të ditur Sheremet Elezaj, zëdhënës për media i Policisë së Kosovës për Gjakovën. "Rreth orës 09:30, kemi pranuar informatë për një rast plagosje me armë zjarri në fshatin Brekoc-Gjakovë.  Njësitet e nevojshme policore dhe ambulanca kanë dalë menjëherë në vendngjarje". "Viktima, një person i moshës madhore, është dërguar për trajtim mjekësor. Në lidhje me rastin, është arrestuar një i dyshuar mashkull, gjithashtu i moshës madhore", tha Elezaj. Njësitë relevante policore janë angazhuar për të hetuar dhe zbardhur rrethanat e ngjarjes. /Klankosova.tv