Lajmet e fundit
Kënga “The Teddy Bears Picnic" ka qenë mjaft e dëgjuar nga fëmijët për disa gjenerata, edhe pse tema e saj ishte ngjarje fiktive.
Por tani një modele ruse dhe vajza e saj e vogël e kanë jetësuar këtë këngë me një set fotografish, së bashku me një ari gjigant ngjyrë kafeje.
Imazhet shfaqin se si ata të dy e ushqyen, e përqafuan dhe madje edhe ishin shtrirë së bashku me grabitqarin masiv, derisa po kënaqeshin në piknikun e një fushe.
Ariu i zbutur i quajtur Stepan, është rritur nga një çift rusë në shtëpinë e tyre, që kur është braktisur në lindje. Ata kanë deklaruar se ai nuk e njeh shijen e mishit, meqë e kanë rritur si vegjetarian, transmeton Klan Kosova.
