Pianisti italian Giovanni Bellucci përmbyll sonte Chopen Piano Fest Prishtina (VIDEO)

Chopen Piano Fest Prishtina këtë vit solli edicionin e nëntë me radhë me gjithësejt 14 mbrëmje koncertale. Festivali mban sonte mbrëmjen finale me koncertin e fundit me Filharmoninë e Kosovës në bashkëpunim me dirigjentin gjerman Boian Videnoff dhe me veprën artistike të pianistit të njohur italian Giovanni Bellucci, njofton Klan Kosova. Në këtë mbrëmje ku dhe shënohet mbyllja e këtij festivali për këtë edicion, janë interpretuar vepra të kompozitorëve të njohur të botës pianistike. https://youtu.be/ngKB2WsJpTA Njëra nga organizatoret e kësaj ngjarje artistike, Besa Luzha ka thënë për Klan Kosova se ky festival ka qenë i shkëlqyeshëm por ka pasur disa ankesa për shkak të mungesës së hapësirës për të realizuar organizime të tilla. I pranishëm në këtë festival është parë edhe Ambasadori i SHBA-së në Kosovës, Greg Delawie, njofton Klan Kosova.