Philadelphia-Atlanta dhe Utah-LA Clippers, ekskluzivisht në Artmotion dhe Klan Kosova

Dita e shtunë në Artmotion do të hapet me ndeshjen e gjashtë të gjysmëfinales në fazën play off nga lindja. Në orën 01:30 të mëngjesit, Atlanta Hawks pret Philadelphian dhe kjo ndeshje transmetohet në Art Sport 1. Ndërsa nga ora 04:00 e mëngjesit, në Art Sport 1 dhe Klan Kosova, vjen dueli nga konferenca perëndimore mes Utah Jazz dhe La Clippers. 01:30               Atlanta Hawks – Philadelphia 76ers            ART SPORT 1 Pas ndeshjes së kaluar ku Philadelphia humbën edhe pse ishin në një moment me epërsi prej 27 pikësh, Doc Rivers me lojtarët e tij do të synojnë ta harrojnë atë disfatë sa më shpejt për ta barazuar serinë në 3-3. Ndërsa Atlanta nga ana tjetër do të shpresojë në një paraqitje tjetër të mirë të Trae Young për t’u kualifikuar në finalen e konferencës lindore, pasi i duhet vetëm edhe një fitore për ta arritur këtë sukses. Në seri, Atlanta po udhëheq 3-2 pas pesë ndeshjesh. Atlanta, 5-shja e mundshme startuese: Capela, Collins, Huerter, Bogdanovic, Young Philadelphia, 5-shja e mundshme startuese: Embiid, Harris, Korkmaz, Curry, Simmons 04:00               Utah Jazz – LA Clippers                           ART SPORT 1 & KLAN KOSOVA Edhe pse pa yllin e skuadrës, Kawhi Leonard, LA Clippers arritën të shënonin fitore në takimin e kaluar në shtëpinë e xhezerëve. Në atë ndeshje u dallua Paul George dhe Tyronn Lue do të shpresojë në një tjetër paraqitje të atillë që Clippers të kalojnë në finale. Edhe në këtë ndeshje do të mungojë Kawhi Leonard për shkak të lëndimit. Nga ana tjetër, liderët e sezonit të rregullt, Utah Jazz pasi shpërdoruan mundësinë për të fituar në shtëpinë e tyre, do të kërkojnë që ta barazojnë serinë në Staples Center për ta dërguar duelin në ndeshjen e shtatë. Utah, 5-shja e mundshme startuese: Gobert, O’Neale, Bogdanovic, Ingles, Mitchell LA Clippers, 5-shja e mundshme startuese: Jackson, Mann, Batum, Morris, George