Pete Davidson shihet duke dalë nga banesa e supermodeles Kaia Gerber

Pete Davidson, që së fundmi është sërish beqar, është parë duke u larguar nga apartamenti i supermodeles Kaia Gerber, të mërkurën. Një burim e ka konfirmuar për Page Six se 25 vjeçari Davidson e ka vizituar 18 vjeçaren Gerber, por ka shtuar se ata janë vetëm miq dhe nuk ka asgjë tjetër mes tyre. Në fotografitë që paparacët kanë arritur të kapin, ylli i “Saturday Night Live” shihet i veshur me rroba sportive derisa po ecte me AirPods-at e vënë në vesh rrugëve të lagjes ku Gerber jeton. Megjithatë, as Davidson dhe as Gerber nuk kanë komentuar asgjë lidhur me këtë temë. Në muajin qershor, Davidson e bëri debutimin e tij në pasarelë në sfilatën e Alexander Wang, derisa Gerber – vajza e Cindy Crawford dhe Rande Gerber – ishte po ashtu modele në këtë sfilatë mode. Sipas disa burimeve, pikërisht nga kjo sfilatë takimet e Gerber dhe Davidson u shpeshtuan. Vetëm javën e kaluar, Page Six e ka konfirmuar se Davidson nuk është më në lidhje dashurie me aktoren e "Once Upon a Time in Hollywood", Margaret Qualley. Romanca e tyre kishte zgjatur vetëm dy muaj. Ai më herët ishte në lidhje edhe me Kate Beckinsale, derisa ishte i fejuar me Ariana Grande.