Lajmet e fundit
Që nga viti 2021, numri i ankesave në Këshillin e Pavarur Mbikëqyrës të Shërbimit Civil është rritur drastikisht.
Nga 448 sa ishin në vitin 2020, sivjet ende pa përfunduar viti, ky organ pranoi mbi 2 mijë ankesa.
Mbi 700 prej këtyre ankesave, kanë objekt kontestimi konkursin. E ankesat e nëpunësve civile ose kandidatëve për punësim në shërbimin civil u bënë shkas që dhjetëra konkurse të anulohen ose të rishqyrtohen.
Përveç për përbërjen e komisionit, ankesat përfshinin edhe pretendime për gabime në teste e vlerësime.
Sadiku pret që numri i ankesave të rritet deri në fund të muajit, pasi që pohon se çdo ditë pranojnë rreth 30 ankesa.
Shkeljet dhe parregullësit në shërbimin civil ai vlerëson se do të mund të parandaloheshin po sikur KPMShCK-ja të kishte mundësitë e monitorimit në institucione.
Mirëpo, në punën e Këshillit Mbikëqyrës të Shërbimit Civil, ai thotë se ka shumë barriera.
Ky organ momentalisht funksionon në një hapësirë në Ministrinë e Kulturës, me një buxhet 100 mijë eurosh dhe me mungesë të theksuar të stafit.
