Pesë zakone të çifteve në marrëdhënie të shëndetshme

Treguesit pozitivë në një marrëdhënie shpesh kalojnë pa u vënë re në krahasim me ata që paralajmërojnë probleme. "Njerëzit priren të fokusohen në aspektet negative, por fokusimi në shenja pozitive mund të jetë çelësi i kënaqësisë në marrëdhëniet afatgjata. Duke pranuar ndërveprimet pozitive dhe vlerat e partnerit, çiftet mund të mbajnë një pikëpamje optimiste për marrëdhënien e tyre, edhe në kohë konflikti", tha terapistja dhe këshilltarja Kari Rusnak për Psychology Today. Kjo gjë poashtu kontribuon në ruajtjen e raportit të ndërveprimeve pozitive me ato negative, gjë që, sipas psikologut të famshëm John M. Gottman, është e rëndësishme për stabilitetin emocional të marrëdhënies. Pra, sipas Rusnak, këta janë disa nga treguesit më të zakonshëm pozitivë të një marrëdhënieje të lumtur dhe të shëndetshme që mund të ndihmojnë në forcimin e lidhjes dhe mbështetjes reciproke, shkruan Index.hr, transmeton Klankosova.tv. Ju dëgjoni njëri-tjetrin: Dëgjimi me qëllimin për të kuptuar dhe jo për t'u përgjigjur tregon një gatishmëri për kompromis dhe hapje ndaj perspektivës së partnerit tuaj, gjë që kontribuon në një komunikim të shëndetshëm. Ju ende po argëtoheni së bashku: “Duke vazhduar të shijoni aktivitete argëtuese së bashku, çiftet forcojnë lidhjen e tyre dhe ndërtojnë ndërveprime pozitive, gjë që ndihmon në përballimin e kohërave stresuese”. Ju falënderoni njëri-tjetrin: Shprehja e mirënjohjes për tiparet ose veprimet që shfaq partneri juaj, të tilla si kujdesi ose ndihma në punët e shtëpisë, rrit ndjenjat e lidhjes dhe stabilitetit. Ju mbështesni qëllimet e njëri-tjetrit: Ndjenja e mbështetjes në qëllimet personale krijon një lidhje më të thellë, rrit besimin dhe kontribuon në kënaqësinë e marrëdhënies. Ju tregoni butësi: Butësia verbale dhe joverbale, si puthjet më të gjata, krijon një ndjenjë kujdesi dhe intimiteti reciprok, gjë që redukton stresin dhe forcon lidhjen emocionale.