Pesë persona janë arrestuar për vjedhjen e dhunshme të dy bulldogëve francezë që i përkasin artistes amerikane Lady Gaga.
Në shkurt, sulmuesit qëlluan Ryan Fischer në gjoks dhe morën qentë e Lady Gaga, Koji dhe Gustav.
Fischer iu desh të hiqte një pjesë të mushkërive, por i mbijetoi sulmit dhe që atëherë është larguar nga spitali.
Të enjten policia e Los Angelos njoftoi se kishte akuzuar tre të dyshuar për incidentin si dhe dy të tjerë si bashkëpunëtorë.
James Jackson, Jaylin White dhe Lafayette Whaley - përkatësisht të moshës 18, 19 dhe 27 - janë akuzuar për vrasje në tentativë dhe grabitje.
Zyrtarët akuzuan gjithashtu 40-vjeçarin Harold White - babai i Jaylin White - dhe Jennifer McBride, 50 vjeç, për vrasje në tentativë. McBride i ktheu qentë në polici dy ditë pas vjedhjes, pasi Lady Gaga kishte ofruar një shpërblim prej 500,000 dollarë për kthimin e tyre, transmeton Klan Kosova.
●●●
VSHKRIMI NGA
V.R.
Editorial nga Klan Kosova — ndjek prive dhe zhvillimet e tjera kryesore të vendit.
