Lajmet e fundit
Pesë minatorë të Trepçës, qëndruan të bllokuar për 8-9 orë në minierë.
Dyshohet se deri tek kjo erdhi si pasojë e problemeve të furnizimit me energji elektrike.
Kjo u konfirmua për Klankosova.tv nga kryesindikalisti Ibrahim Jonuzi.
"Pesë pompistë kujdestarë, kanë mbetur në vendet e tyre të punës në minierë. Dyshohet se kjo ka ndodhur për shkak të problemeve teknike me energjinë elektrike. Ata kanë qëndruar rreth 8–9 orë”, deklaroi ai.
Jonuzi tha se sipas informacioneve që ka të gjithë pompistët kanë dalë nga miniera pa asnjë incident dhe janë kthyer në shtëpitë e tyre.
"Gjendja e tyre shëndetësore është e mirë dhe nuk raportohet për asnjë pasojë", shtoi Jonuzi.
