Përvjetori i tretë i luftës, udhëheqësit evropianë mbërrijnë në Kiev

Udhëheqësit e Bashkimit Evropian, Ursula von der Leyen dhe Antonio Costa, kanë mbërritur në Kiev dhe do t'i bashkohen presidentit Voldymyr Zelensky, në ngjarjet që shënojnë përvjetorin e luftës atje.

“Ne jemi sot në Kiev, sepse Ukraina është Evropa. Në këtë luftë për mbijetesë, nuk është vetëm fati i Ukrainës që është në rrezik. Është fati i Evropës”, ka shkruar Von der Leyen në rrjetin social “X”.

Ngjarja e mbështetjes vjen pasi presidenti i Amerikës, Donald Trump e quajti Zelenskyn një “diktator” dhe sugjeroi se Ukraina filloi luftën.

Ndërkohë, Ukraina u përjashtua nga bisedimet SHBA-Rusi në Arabinë Saudite për përfundimin e luftës, transmeton Klankosova.tv.