Përvjetori i bombardimeve: Raketat e shpresës për shqiptarët (VIDEO)

Raketat i panë si drita, e shpërthimin si shpresë për të jetuar. Kështu u ndien kosovarët mbrëmjen e 24 marsit të vitit 1999, kur NATO filloi bombardimet në Kosovë, raporton Klan Kosova. Aleanca, fushatën ajrore atë natë e nisi në Prishtinë, pastaj në Aeroportin e Sllatinës, në kazerma, objekte të policisë e ushtrisë e disa pika të tjera strategjike të serbëve. Avionët e NATO-s që mbuluan kryeqytetin, u përcollën nga prishtinasit. Një nga ta, Afrim Sadiku i ndoqi nga dritarja krismat që ranë në tokë, 27 vjet më parë. Sadiku kujton se gëzimi ishte përcjellë edhe me frikë. E kjo, për banorët që nuk e lëshuan vendin, zgjati 78 ditë, pra deri në çlirim. Këtë, Sadiku e bazon në atë që ndodhte në qytetet e tjera ku serbët i dërgonin shqiptarët në vendet ku bombardonte Aleanca Veriatlantike. Ndiqeni në vijim kronikën e plotë: https://www.youtube.com/watch?v=Gw63rwceyfg