Përveç sa dërgojnë, mërgimtarë tregojnë se sa shpenzojnë gjatë qëndrimit në Kosovë (VIDEO)

Përveç që dërgojnë para nga vendet ku jetojnë, mërgimtarët kosovarë shpenzojnë më tepër kur kthehen për pushime në vendlindje. 1 miliard e 360 milionë janë remitancat për vitin e fundit, ndërkaq shpenzimet e tyre llogaritet se janë mbi 2 miliardë për vit. MAT ka pyetur direkt disa prej tyre derisa kanë qenë duke u larguar nga Kosova, se sa harxhojnë para. “Po minimum një herë me ardh deri në 5 mijë euro, çdo kujt i kushton një pushim, e dy herë brenda vitit 10 mijë duhet shpenzu”, thotë Leutrim Gashi. “Shpenzojmë normal si krejt kurbetçarët, normal secili kurbetçar që vjen minimum 3-4 mijë euro i shkojnë”, thotë Lumbardh Sopa. “Nëse bëj ndonjë ndërtim naj sen shpenzoj pak më tepër, a kështu vetëm për pushime familjare, diku 3 mijë shkojnë, nuk shkojnë ma shumë”, shprehet Përparim Smajlaj. Sipas ligjit, secili qytetar i Kosovës që hyn nga jashtë e ka për obligim që të deklarojë mjetet monetare që ka në kesh e që vlera e tyre kalon mbi 10 mijë euro.