Përurohet libri “Mbrojtja e Afërt dhe Mbrojtja e Personave Shumë të Rëndësishëm” i autorit Fidair Berisha

Është përuruar libri “Mbrojtja e Afërt dhe Mbrojtja e Personave Shumë të Rëndësishëm” i autorit t Fidair Berisha. Në Bibliotekën Kombëtare ku u bë përurimi në mes të pranishmëve ishin edhe recenzentët e këtij libri, njofton Klan Kosova. Hekuran Rrapaj tregoi për nevojën e këtij libri pas të tilla botime nuk ka fare në gjuhën shqipe. “ Ky libër do ngelet një pasuri e pandashme e kësaj fushe shumë të ndjeshme dhe të rëndësishme. Kjo libër kalon përtej sigurisë së politikanëve, merret me sigurinë e punëtorëve, qytetarëve, njerëzorës në përgjithësi”. Recensenti tjetër, Veton Zejnullahu, gjithashtu tha se ekzistojnë pak literatura të tilla dhe se ato që ekzistojnë janë të autorëve të huaj të përkthyer në gjuhën shqipe. Në librin që flet për sigurinë i pranishëm ishte edhe ekspert i sigurisë, Nuredin Ibishi, i cili edhe foli për këtë fushë. “Në vitin 2002 është formuar Njësia për Mbrojtje të Afërt, e tash për herë të parë kanë një libër te tillë që do t’ua rrisë ekspertizën këtyre”. Ndërsa autori i librit që është edhe mbrojtës i sigurisë edhe në përditshmëri tha se qëllim kishte që përvojat e tij t’i hidhte në letër edhe për publikun e gjerë. “Unë jam duke punuar në Policinë e Kosovës dhe përpiqemi të ofrojmë siguri sa më të mirë për vendin. Jam munduar që shumë gjëra të panjohura të fushës t’i publikoj në këtë libër”.