Persona të panjohur gjuajnë me armë zjarri nga vetura në Baballoq të Deçanit

Persona të panjohur kanë shtënë me armë zjarri në ajër, përderisa ishin me veturë në lëvizje, në fshatin Baballoq të Deçanit.

Ngjarja ka ndodhur në orët e hershme të së enjtes, sipas një dëshmitari që kishte qenë afër në momentet e gjuajtjeve.

Në vendin e ngjarjes janë gjetur  dhe konfiskuar 8 gëzhoja të kalibrit 9x19 mm, ndërsa rasti është nën hetime. /Klankosova.tv/