Një numër i madh njerëzish po zgjedhin dieta me bazë bimore që përjashtojnë bulmetin dhe mishin. Ky ndryshim në zakonet dietike ka çuar në një rritje të popullaritetit të qumështit me bazë bimore, si qumështi i bajames dhe soja, në krahasim me qumështin tradicional të kafshëve.
Nëse po mendoni të eliminoni bulmetin nga dieta juaj, është e rëndësishme të kuptoni efektet që mund të ketë në trupin dhe shëndetin tuaj. Nutricionistja Anshu Dua, ka përshkruar disa përfitime të kalimit në një dietë jo qumështore.
E zvogëloni fryrjen: Ajo shpjegoi se njerëzit e kanë të vështirë të tresin bulmetin, dhe për këtë arsye, ndërprerja e tyre nga dieta mund të ndihmojë në uljen e fryrjes. Gjithashtu, disa njerëz janë intolerantë ndaj laktozës pasi zorra e tyre e vogël nuk prodhon shumë enzimë laktazë e cila ndihmon në tretjen e sheqerit të qumështit.
Parandalimi i akneve: Personat me akne këshillohen të shmangin bulmetin pasi lidhet me një rritje të shpërthimit të akneve. Njerëzit me akne ekstreme duhet të ndërpresin bulmetin sepse proteina e hirrës në qumësht është pro-inflamatore, e cila mund të përkeqësojë problemin e akneve.
Përmirësimi i lëkurës: Sipas ekspertit, qumështi i lopës ose i buallit përmban hormone, të cilat ndonjëherë reagojnë ndaj hormoneve në trupin tonë, duke shkaktuar një rritje të prodhimit të sebumit, i cili është përgjegjës për bllokimin e poreve.
Shëndeti i zorrëve: Heqja e qumështit nga dieta juaj mund të ndihmojë me problemet e tretjes dhe shëndetin e zorrëve. Ju gjithashtu mund të vini re më pak fryrje dhe gazra.
Më pak luhatje humori: A e dini se një gotë qumësht përmban 60 hormone? Pirja e qumështit të lopës ose buallit rregullisht mund të rrisë hormonet natyrale tashmë të pranishme në trupin tuaj, duke shkaktuar ndryshime të humorit.
Humbje e peshës: Ndërsa eliminimi i qumështit nga dieta juaj nuk është metoda më efektive për humbjen e peshës, do të vini re një ndryshim të rëndësishëm në peshën tuaj.
Receta për qumësht bajame
Përbërësit
*1 filxhan/250 gr bajame
*5 gota/1.25 litra ujë
Përgatitja
*Futini bajamet në ujë normal gjatë natës ose për 8 orë
*Qëroni lëkurën e bajameve pasi përmban taninë, e cila pengon përthithjen e lëndëve ushqyese
*Vendosni bajamet në blender, shtoni 5 filxhanë ose 1.25 litra ujë dhe i përzieni.
*Tani, kullojeni përzierjen duke përdorur një leckë dhe qumështi juaj i bajames është gati
*Klikoni
KËTU për t’u bërë pjesë e kanalit zyrtar të Klan Kosovës në Viber.
*Klikoni
KËTU për ta shkarkuar aplikacionin e Klan Kosovës në Android, dhe
KËTU për iOS.
