Përmbytje në disa lagje të Lezhës, probleme edhe me energjinë elektrike

Reshjet e dendura të shiut që kanë përfshirë Lezhën prej mesnatës kanë shkaktuar probleme të shumta, kryesisht në zonat urbane. Niveli i ujit ka arritur deri në 40 centimetra, duke bllokuar hyrjet e pallateve dhe duke vështirësuar ndjeshëm qarkullimin e këmbësorëve dhe automjeteve. Përmbytje janë raportuar edhe në disa segmente të aksit Lezhë–Shëngjin, raporton Rtsh.al, transmeton Klankosova.tv. Shirat e dendur kanë shkaktuar probleme edhe në zonën e Kallmetit, duke përmbytur disa hektarë tokë bujqësore. Ndërkohë, në pjesën më të madhe të territorit raportohet edhe mungesë e energjisë elektrike për shkak të motit të keq. Ekipet përkatëse po punojnë për normalizimin e situatës.